قلم رصاص

الوردة والصبار

واقف ع الباب

صوت جواك بيسألك 

مالك حيران ... ذهنك مشوش ..

حاسس بعدم امان 
مش لاقى سلام فى قلبك 
كل الاخبار بالنسبالة مش سارة 
حاسس انك ضحية 
حاسس انك مظلوم 
تسمحلى اهمس فى 
ودنك بكلمة 
انت سالت نفسك انا فين 
وازاى انا وصلت هنا 
وليه انا حاسس بكده 
مش عارف صح ؟'
طيب ممكن كمان اهمس فى ودانك 
اقولك

انت صادق مع نفسك 

حياتك .. راضى عنها ؟

لو مش راضى عنها 

اسأل نفسك ليه ؟ 

اكيد فيه روح بتتحرك جواك 

هى مش هايعجبها حالك لو مال
بتدارى من الناس اللى يعرفوك 
طيب ايه لو عرفوك على حقيقتك

هايحصل ايه ؟

اممم انا عارف انك تعبان 

وممكن تكون بتمثل انك قوى 
وممكن تكون بتكبر دماغك 
ومش عايز توجعها
ومبسوط على كده
بس صدقنى لا
انت مجتاج نقطة وقوف
محتاج تقول لا
محتاج تقعد مع نفسك 
وتسألها الاسئلة دى
محتاج تكون مش خايف من الناس
لتعرف حقيقتك
الله عارف كل ده جواك
الله يسترك فى كل احوالك 
ومع ذلك
مش بتكلف نفسك وتقوله 
نشكرك لانك سترتنى واعنتنى 
حتى لحظات العمر
سرقاك ... وسط ضحكة 
ولذة 
وعبودية ومرارة متسلطة عليك 
كل يوم بتقل جواك 
يسوع بيتالم جواك 
ممكن تسمعه ؟
ممكن تسمع صوت ربنا 
وهو بيقولك
دى مش سكتك
دى مش حياتك اللى انا رسمتهالك 
ممكن تسمعه هو بيقولك 
اتريد أن تبرأ
قوله  نعم  

قول كلمة
قوله ادخل
قوله اتحرك شجعنى
ساعدنى - خد بايدى - قوينى
خلينى احتمل
خلينى مكونش عايش خايف من حقيقتى
لان الجميع زاغوا وفسدوا
واعوزهم مجد الله
امين صلاتى ليك انك تسمع صوت الهك